Franca ruan ritmin – Ekonomia rritet me 0.5% në T2, falë eksporteve

Ekonomia franceze u rrit me 0.5% në tremujorin e dytë të këtij viti, në krahasim me atë paraardhës. Performanca vjen kryesisht falë rimëkëmbjes së eksporteve. Tregtia e jashtme ka lënë disi në hije investimet e dobëta në sektorin privat, tregon zyra e statistikave në vend.

Të dhënat rezultojnë në linjë me pritshmëritë e tregjeve dhe analistëve. Ky është tremujori i tretë me radhë me një normë rritje me baza tremujorësh prej 0.5%. Gjatë periudhës Prill-Qershor, shpenzimet konsumatore u rritën me 0.3%, duke përshpejtuar kështu hapin e rritjes. Në tremujorin e parëm rritja fiksohej pranë 0.1%. Investimet e biznesit ndërkohë u ngadalësuan me një normë prej 0.5%.

Eksportet marshuan me 3.1% rritje, kryesisht falë kërkesës së lartë për pajisjet e transportit. Ekspertet kanë tejkaluar ndjeshëm importet, që u rritën me vetëm 0.2% gjatë kësaj periudhe kohore.

Në total, tregtia e jashtme kontribuoi me 0.8 pikë përqindje në prodhimin e brendshëm bruto gjatë tremujorit të dytë, ndërkohë që kërkesa e brendshme shtoi edhe 0.4 pikë përqindje. Investimet e biznesit i hoqën rritjes ekonomike plot 0.4 pikë përqindje.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.