Francezëve u thuhet se e kanë për detyrë patriotike të hanë djathë – Industria në vështirësi për shkak të Covid-19

Qytetarëve të Francës u është thënë se është detyrë e tyre patriotike të hanë më shumë djathë.

Pas një rënie në shitje për shkak të COVID-19, industria e qumështit ka bërë një thirrje kolektive për francezët që të rrisin konsumin e tyre të llojeve të ndryshme të djathit.

Sipas një njoftimi për shtyp nga France Terre de Lait, industria e qumështit francez, shitjet e disa djathërave në Francë kanë rënë 60%. Kjo vjen kryesisht për shkak të mbylljes së tregjeve, restoranteve, dhe njerëzit e karantinuar që i mohojnë vetes së tyre ushqimet më të këndshme dhe në vend të kësaj blejnë vetëm bazat.

Prodhuesit francezë të djathit janë në “vështirësi të madhe” si rezultat i pandemisë koronavirus, tha industria, me mijëra tonë djathë në rrezik për t’u hedhur. Në përpjekje për të luftuar këtë, industria ka filluar një fushatë duke inkurajuar publikun të rrisë konsumin e djathit të tyre të quajtur “Fromagissons”, që do të thotë “Le të veprojmë në emër të djathit”.  (Business Insider)

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.