Frika më e madhe e Wall Street nuk është Covid por Inflacioni

Frika e Koronavirus tronditi Wall Street në thelbin e saj marsin e kaluar. Dow ra gati 3,000 pikë – një shifër mahnitëse prej 13% – si sot një vit më parë. Pas 12 muajsh dhe kriza shëndetësore nuk ka mbaruar, por investitorët janë gjithnjë e më të sigurt se së shpejti do të përfundojë.

Për herë të parë që nga shkurti 2020, Covid-19 nuk është më frika nr. 1 midis menaxherëve të portofolit të anketuar nga Banka e Amerikës. Përkundrazi, investitorët me përvojë tani shqetësohen se ekonomia mund të rimëkëmbet kaq shpejt sa të mbinxehet.

Inflacioni tani është rreziku kryesor i cituar nga menaxherët e portofolit të anketuar nga Banka e Amerikës. Shqetësimi i dytë më i zakonshëm është (taper tantrums) shitjet e ngushta, të cilat ndodhin kur tregjet i tremben rritjes së rendimentit të obligacioneve.

Gjetjet nënvizojnë se sa në mënyrë drastike situata ka ndryshuar gjatë vitit të kaluar. Besimi po rritet për shkak të përdorimit të vaksinave, lehtësimit të kufizimeve të sigurisë shëndetësore dhe mbështetjes së paparë nga qeveria federale.

“Ndjenja e investitorëve [është] pa dyshim e fortë,” shkruan strategët e Bankës së Amerikës në raportin e së martës. Stoqet amerikane u rikuperuan shpejt nga pandemia. Dow arriti në 18,592 në 23 Mars. Indeksi është rritur me një marramendje prej 77% që nga ajo kohë. Nasdaq është dyfishuar në atë hapësirë. (CNN)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.