Fshati i tyre mbushur me vila shumë-katëshe, por 39 viktimat në kamionin anglez kërkonin të ardhme më të mirë
Javën e kaluar një ngjarje tronditi të gjithë Britaninë e Madhe, teksa në rulin e një kamioni u gjendën 39 trupa të vdekur, nga asfiksimi.
Viktimat ishin nisur nga disa vende të Europës drejt Britanisë dhe ishin me origjinë vietnameze.
Dy prej viktimave janë verifikuar nga autoritetet angleze se vinin nga fshati vietnamez Do Thahn, ndërsa të tjerët besohet shumë se vinin nga rrethinat e zonës Yen Thahn.
Për këtë arsye “Euronews” ka bërë një investigim në fshatin nga vinin viktimat dhe ka vënë re një fenomen, që mund të krahasohet edhe me atë të vendit tonë.
I quajtur ndryshe “Fshati i Bilionerave”, sipërfaqja e vendit është e mbuluar nga pallate luksoze shumë-katëshe, ku jetojnë zakonisht mosha të vjetra, të gjitha të ndërtuara me remitancat që vinë nga emigrantët.
“Kjo besohet se ishte dhe arsyeja e emigrimit të viktimave, të cilët edhe pse i dinë mjaft mirë rreziqet e rrugës drejt Britanisë preferojnë t’i marrin përsipër pasi e dinë që e gjithë sakrifica do t’ja vlejë dhe se në Britani do të gjejnë ‘thesarin’ e tyre” – shkruhej më tej në artikull.
Në Vietnam, perspektivat e dobëta për punë, dekurajimi nga autoritetet, vjedhja e bandave dhe katastrofat natyrore janë të gjithë faktorë që i shtyjnë njerëzit për tu larguar.
Punëtorët e ndodhur jashtë brigjeve të vendit dërguan rreth 16 bilionë dollarë në remitanca drejt Vietnamit, më shumë se dyfishi i shumës totale të tregtisë së vendit në Azinë Juglindore për të njëjtën periudhë, sipas të dhënave të Bankës Botërore që treguan se dërgesat e remitancave janë rritur me 130% gjatë dekadës së fundit.
Në Nghe An dhe provincën fqinje Ha Tinh, politika zyrtare mbështet eksportin legal të punës. Vetëm krahina Nghe sjell rreth 255 milion dollarë në vit nga qytetarët e saj jashtë shtetit, sipas mediave shtetërore.
Foto: Shtëpitë e reja të ndërtuara në komunën Do Thahn, në provincën e Nighe An, Vietnam
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.