Fshati i vogël me peshë të madhe në industrinë e parfumeve!

Jasemini është një nga lulet më të përhapura në industrinë e  parfumeve. Me një aromë të ëmbël kjo lule ndër vite është kthyer në të preferuarën e shumë prej markave më të njohura  e prestigjoze të parfumeve.

Por a keni dëgjuar më parë për fshatin e  vogël që rrit lulen e famshme, me aromë të ëmbël e femërore!?

Kampionët e jaseminit, janë banorët e një fshati të vogël në veri të Kajros, Egjipt, i njohur me emrin Shubra Beloula.

Ky fshat prodhon më shumë se gjysmën e jaseminit që përdoret nga luksozët e parfumeve.

“Ne kemi arritur deri në 2,500 ton lule të përpunuara në vit ose në sezon. Dhe kjo përbën rreth 60% plus ose minus të prodhimit botëror,” tha Hussein A Fakhry, pronar i fabrikës kryesore të nxjerrjes së jaseminit në Egjipt.

Pjesa më e madhe e tokës së Shubra Beloula, rreth  257 hektarë , është e mbjellë me jasemin, me disa ferma që kultivojnë një pemë tjetër aromatike të quajtur portokalle e hidhur. Fushat e jaseminit ndahen në rreshta dhe kur lulet lulëzojnë natën, ato lëshojnë një aromë ekzotike intensive të athët. /CNN

Vjola Gremi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.