Fshati italian që dëshiron të jetë një komb i pavarur!

Në majë të një kodre idilike në rivierën italiane ndodhet një fshat i vogël me një ëndërr të madhe: të bëhet një komb i pavarur. Principata e Seborgës tashmë ka flamurin e saj, himnin kombëtar, pasaportat, vulat, monedhën dhe, natyrisht, një monark. Ajo shpreson që një ditë t’i mbështesë ato me njohjen ligjore të sovranitetit të saj, të cilën e ka kërkuar që nga vitet 1960.

Megjithatë, tani për tani, Seborga është thjesht një fshat piktoresk në provincën veriore italiane të Imperia, afër Francës, me pak më shumë se 300 banorë dhe që mbulon rreth pesë milje katrore tokë. Rruga që të çon në qytet ka një vendkalim kufitar jozyrtar, i kompletuar me një kuti roje të lyer me ngjyrat e flamurit të Seborga-s, i cili me raste drejtohet nga roje të vetëshpallura kufitare.

I pozicionuar bukur, Seborga merr pamje mahnitëse të Rivierës më poshtë, duke përfshirë Principatën e Monakos — ndoshta mikroshteti më i famshëm në botë dhe një frymëzim për kërkimin e vazhdueshëm të Seborgës për pavarësi. “Avokatët po punojnë për këtë,” thotë Lartësia e saj e qetë Princesha Nina e Seborga, “kjo është arsyeja pse unë u zgjodha Princeshë.”

Në Seborga, ku monarkia nuk është e trashëguar, zgjedhjet zhvillohen çdo shtatë vjet dhe Princesha Nina është gruaja e parë që mban këtë post.

Seborga iu dhurua murgjve benediktinë në vitin 954, derisa ata e shitën në 1729 në Mbretërinë e Sardenjës, e cila më vonë do të bëhej pjesë e Mbretërisë së Italisë. Por, sipas Carbone, nuk ka asnjë rekord historik të shitjes, që do të thotë se Seborga nuk ka qenë asnjëherë legjitimisht pjesë e Italisë.

Si Gjykata Kushtetuese italiane, ashtu edhe Gjykata Europiane e të Drejtave të Njeriut kanë refuzuar më parë ofertën e Seborga-s, por princesha nuk është e shqetësuar. “Padyshim që nuk është një rast i lehtë”, thotë ajo. “Nuk do të ndodhë sot apo nesër, por asgjë nuk është e pamundur: shikoni Brexit”.

Vetë qeveria thotë se nuk i jep askujt tituj fisnikërie dhe përbëhet nga vetëm nëntë ministra, si dhe nga një këshill Seborganësh vendas. Ata bën ligjet e veta, por tani për tani, ato nuk kanë ndonjë vlerë ligjore dhe pushteti real është në duart e një zyrtari të zgjedhur rregullisht. CNN

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.