FSHZH: Drejt përfundimit rruga Boboshticë-Dardhë

Fondi Shqiptar i Zhvillimit njofton se është drejt përfundimit rruga Boboshticë-Dardhë.

“Amortizimi i disa segmenteve në rrugën që të çon drejt Dardhës turistike ishte kthyer në një pengesë për turistët sidomos në dimër.

Falë investimit në kuadër të programit “Infrastruktura Vendore Rajonale”, me financim nga Qeveria Shqiptare dhe zbatim nga Fondi Shqiptar i Zhvillimit kjo rrugë do të jetë lehtësisht e aksesueshme në të gjitha stinët e vitit.

Ky investim pritet të ketë ndikim të drejtpërdrejtë në turizëm, në ekonominë lokale dhe në mirëqënien e banorëve.

Tashmë pas një rruge komode me gjelbërim arrin në fshatin me vlera të mëdha historike dhe natyrore. Aty mund të prekësh nga afër trashëgiminë kulturore dhe historike, arkitekturën e banesave të ndërtuara prej guri me çatitë karakteristike me plloça, shtëpinë e Sotir Panit si dhe  trashëgiminë etnografike” shkruhet në njoftimin e FSHZH.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.