FSHZH hap 6 “supertendera”- Investime në rrugë në mbarë vendin. Në fokus, zonat me aktivitet të lartë ekonomik

Fondi Shqiptar i Zhvillimit ka hapur 6 tendera për projekte investimi. Referuar shpalljeve në Agjencinë e Prokurimit Publik, tenderi i parë është ai për përmirësimin e shtresave rrugore. Fondi limit është 750 milion lekë.

Një tender tjetër është ai për përmirësimin e infrastrukturës rrugore në funksion të zhvillimit të turizmit dhe agroturizmit në Rajonin 4. Ky tender ka fond limit 618 milion lekë. Tenderi i tretë është ai për rivitalizimin urban të zonave me potencial të lartë turistik në Rajonin 3 dhe 4.

Në këtë rast, fondi limit është rreth 235 milion lekë. Një tender tjetër është ai për përmirësimi i infrastrukturës rrugore në zonat turistike të rajonit qendror dhe lehtësimi i trafikut në zonat urbane të tij. Për këtë tender fondi limit është 454 milion lekë.

Po ashtu, është hapur edhe tenderi për përmirësimin e aksesit në zonat me aktivitet të lartë bujqësor të Myzeqesë. Fondi limit i këtij tenderi është rreth 574 milion lekë.

Ndërsa tenderi i fundit është ai për përmirësimin e aksesit në sitet turistike dhe lehtësimin e trafikut në zonat urbane në rajonet veriore. Fondi limit për këtë tender është 471 milion lekë

Të gjithë këta tenderë janë të hapur për oferta deri me 16 shtator 2019.

Ajo që bie në sy është se investimet përfshijnë të gjithë territorin e vendit dhe kanë në fokus zona apo sektorë prioritarë për zhvillimin ekonomik.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.