FSHZH hap vende pune në 5 bashki të vendit! Projekt për të “luftuar” papunësisë që shkaktoi Covid. Detajet  

Fondi Shqiptar i Zhvillimit në bashkëpunim me Bashkitë Berat, Fier, Tepelenë, Shkodër dhe Dimal fillojnë zbatimin e projektit “Punë për Komunitetin” në zonat me rrezikshmëri të lartë nga përmbytjet, me qëllim përmirësimin e gjendjes fizike dhe funksionin e kanaleve kulluese, si dhe të gjendjes ekonomike dhe sociale në komunitet, duke patur parasysh nivelin e papunësisë së shkaktuar nga pandemia COVID-19.

Sipas FSHZH-së, ky projekt do të zgjasë 4 muaj dhe mbështetet nga Ministria Federale Gjermane për Bashkëpunim Ekonomik dhe Zhvillim (BMZ) nëpërmjet GIZ Albania.

“Përgjatë 4 muajve projekti do të punësojë një numër përfituesish në komunitet, të cilët do të punojnë kryesisht për pastrimin dhe sistemimin e kanaleve kulluese në zonat e ndikuara nga përmbytjet. Nëse jeni të interesuar të ndihmoni komunitetin dhe vendbanimet tuaja, kundrejt një page mujore,  ju lutemi të paraqiteni pranë zyrave të Bashkive të sipër cituara, për informacion të detajuar” informon FSHZH.

Projekti inkurajon aplikimet nga grupet në nevojë dhe të grave nga këto komunitete.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.