FSHZH nis fazën e tretë të projektit për ndërtimin e pedonales së re në Belsh
Fondi Shqiptar i Zhvillimit nis fazën e tretë të projektit për ndërtimin e pedonales dhe korsisë së biçikletave buzë liqenit të Belshit.
Projekti parashikon rikonstruksionin e rrugës hyrëse të qytezës, së bashku me ndërtimin e trotuareve, ndriçimit, gjelbërimit, kanalizimeve të ujërave të bardha/zeza, si dhe sinjalistikën rrugore.
Investimi do të përfshij gjithashtu vazhdimin e shëtitores dhe korsisë së biçikletave përreth liqenit të Belshit me një gjatësi prej 1.4 km.
Në të do të përfshihen vende parkimi për turistët, stola, dy fusha sportive, një amfiteatër, dy mole në liqen, kënde lojrash për fëmijë, ndërtesë shërbimi si dhe krijimin e dy plazheve me rërë të importuar.
Qëllimi i këtij investimi dhe shumë të tjerëve në zonën e Dumresë, kanë për qëllim nxitjen e agro-turizmit në këtë zonë të vendit.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.