FSHZH prezanton 2 skema të reja ujësjellësish – Nga investimi do të përfitojnë 17 mijë banorë
Rreth 17 mijë banorë të fshatrave Xhafzotaj, Arapaj dhe Shkëmbi i Kavajës së shpejti do të përfitojnë nga ndërtimi i 2 skemave të ujësjellësve. Sipas Fondit Shqiptar të Zhvillimit, në terren planifikohet të fillojnë në shkurt të vitit 2019 dhe do të zgjasin deri në 12 muaj.
Investimi aktualisht është në fazën përgatitore dhe po ndërmerret në kuadër të Programit ‘Ujësjellësit Ruralë III.’
FSHZH ka zhvilluar një takim me përfaqësues të qeverisjes vendore, Ndërmarrjes së Ujësjellës- Kanalizimeve Durrës dhe banorë të zonës, të cilët u njohën me draft-projektin.
Investimi i cili do të financohet nga qeveria shqiptare me mbështetjen e bashkëpunimit gjerman, KfW, kap vlerën e rreth 2.5 milionë eurove.
Pas përfundimit të zbatimit të projektit, skemat e ujësjellësve do të mirëmbahen dhe menaxhohen nga Ndërmarrja e Ujësjellësit Durrës.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.