‘Fundjavë e paqëndrueshme’ – SHMU: Vranësira, reshje shiu e shtrëngata dhe periudha të shkurtra me diell

Shërbimi Meteorologjik Ushtarak njofton se fundjava do të nisë me mot të paqëndrueshëm me vranësirat mesatare dhe të dendura ku që prej orëve të para pas mesnatës parashikohen reshje e shtrëngata shiu në veriperëndim e jug.

Sipas informacionit gjatë ditës reshjet do të përfshinë pjesën më të madhe të vendit me intensitet të ulët ndërsa në veri, jug e bregdet do të vijojnë reshjet e shiut e shtrëngatat e shkurtra me intensitet mesatar e në formë të lokalizuar rrebeshe shiu me rrufe në këto zona.

SHMU informon se ditën e diel moti do të nisë i vranët në të gjithë vendin ku që prej orëve të mëngjesit vranësirat do ti lenë vendin motit të kthjellët ndërsa në orët e para pas mesnatës e deri në mëngjes në jug e pjesërisht në qendër reshje shiu në intensitet të ulët por më tej ato do të ndërpriten në të gjithë vendin.

“Era gjatë së shtunës do të fryjë nga kuadrati i jugut mesatare ndërsa të dielën do të kthejë drejtim nga veriu e verilindja mesatare dhe bregdetin verior e vrullshme ndërsa valëzimi në dete parashikohet i forcës 3-4 ballë.”

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.