Fuqizohet konsumi në Eurozonë – Shitjet me pakicë rriten me 2.3% në Janar me bazë vjetore
Shitjet me pakicë në Eurozonë janë rritur sipër projeksioneve në Janar me bazë vjetore, prej produkteve jo-ushqimore, veçanërisht në internet.
Sipas zyrës së Statistikave të Bashkimit Europian, shitjet me pakicë në 19 vendet e valutës së përbashkët ranë me 0.1% nga muaji Dhjetor, dhe u rritën me 2.3% nga Janari 2017.
Ekonomistët prisnin një rritje me 0.3% mujore dhe me 2.1% nga viti i kaluar. Të dhënat treguan se shifra me bazë vjetore në Janar u influencua nga rritja me 3.8% e shitjeve të produkteve jo-ushqimore, nga 3% rritje që rezultoi gjatë Dhjetorit.
Në këtë kategori, shitjet nëpërmjet internetit u rritën me 8.8%, nga 7.5% rritje në Dhjetor.
Ndër vendet anëtare, rritjen më të madhe të shitjeve me pakicë, që është tregues i konsumit, e ka patur Rumania, me 11%, ndjekur nga Hungaria dhe Letonia, me 7.5% dhe 7.2% në mënyrë respektive.
Nga ana tjetër, Estonia dhe Bullgaria kanë regjistruar rënie me 0.9% dhe 0.2%.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.