Fuqizohet tregu i punës në SHBA/ Norma e papunësisë në 3.5%. Niveli më i ulët në 50 vite
Norma e papunësisë në SHBA ra në nivelin më të ulët në 50 vite prej 3.5% gjatë Shtatorit, ndërkohë që tregu i punës po tregon rritje të fortë, ç’ka sugjeron se ekonomia mund të shmangë rrezikun e recesionit pavarësisht luftës tregtare që po godet manifakturën. Megjithatë, raporti mujor i Departamentit të Punës vuri në dukje rreziqe ndaj ekonomisë, që ndodhet në periudhën më të gjatë të rritjes në historik.
Rritja e pagave ngeci dhe punësimi në manifakturë ra për të parën herë në 6 muaj. Raporti erdhi pas disa të dhënave të dobëta ekonomike, përfshirë rënien e aktivitetit të manifakturës në nivelin më të ulët në 10 vite dhe ngadalësimin e shërbimeve me normën më të shpejtë në 3 vite.
Këto shtuan shqetësimet se ekonomisë po i afron recesioni. Rënia e normës së papunësisë nga 3.7% që qëndronte në muaji Gusht, e çoi treguesin në nivelin më të ulët që prej Dhjetorit 1969. Tregut të punës i’u bashkuan 136,000 persona në muajin Shtator.
Rritja për shtatorin ishte poshtë mesatares mujore të vitit prej 161,000, megjithatë, sipër 100,000 punëtorë që duhen çdo muaj për të ruajtur rritjen në popullsinë në moshë pune. Ndërkohë që lufta tregtare 15-mujore e administratës së Trump me Kinën po ndikon te ekonomia, fuqizimi i tregut të punës përbën një mbrojtës kundër ngadalësimit ekonomik. Lufta tregtare ka ndikuar te besimi i bizneseve, rënia e investimeve dhe manifakturës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.