Furnizimi i mallrave, Rama: Orari kufizues, për konsumatorët dhe punonjësit e sektorit publik dhe privat, jo prodhuesit dhe tranportuesit
Kryeministri Rama ka njoftuar nëpërmjet një postimi në profilin e tij zyrtar në Facebook se të gjithë ata që prodhojnë dhe transportojnë ushqime në fshat apo qytet, nuk kanë pasur dhe nuk kanë asnjë kufizim në lëvizjen e mallit, për të kryer furnizimet e nevojshme të tregut.
“Orari 05:00-13:00 kufizon brenda kësaj fashe kohore konsumatorët dhe punonjësit në sektorin publik apo privat që dalin akoma në punë, jo transportin dhe furnizimin e mallrave ushqimore” shkruan Rama më tej.
Përgjigja e Ramës vjen pas pyetjeve dhe shqetësimeve të adresuara, mbi lëvizjen për transport dhe furnizim mallrash ushqimore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.