Furnizimi i zonave rurale me ujë – Qeveria miraton tre marrëveshje në vlerë 43.8 milionë euro!
Qeveria Shqiptare ka miratuar tre marrëveshje financimi për programin e furnizimit me ujë të zonave rurale, faza IV.
Marrëveshja e parë e financimit është një grant nga banka gjermane Frankfurt am Main në shumën 1.800.000 (një milion e tetëqind) euro.
Marrëveshja e dytë e financimit është një tjetër grant në vlerë 2.000.000 (dy milionë) euro nga banka gjermane Frankfurt am Main për masat shoqëruese në kuadër të programit të furnizimit me ujë të zonave rurale, faza IV.
Në kuadër të po të njëjtit program, Qeveria ka mbyllur marrëveshjen e tretë me bankën Frankfurt am Main, me një hua në shumën 40.000.000 (dyzet milionë) euro.
Në total, në këtë fazë të katërt do të investohen 43.800.000 (dyzet e tre milionë e tetëqind mijë) euro për furnizimin e zonave rurale me ujë.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.