Furnizimi me ujë në zonat rurale – Ujësjellës Kanalizime Korçë shpall tenderin. Fondi dhe detajet

Ujësjellës Kanalizimet Korçë kanë shpallur një tender me fond  95.9 milionë lekë, në Agjencinë e Prokurimit Publik. Projekti do të shkojë për ujësjellësit e zonave rurale, konkretisht për njësinë administrative Mollaj, Bulgarec, Voskopojë, Voskop dhe Drenovë.

Sipas detajeve bashkangjitur tenderit, në Voskopojë do të ndërtohet një depo e re dhe një linjë dërgimi. Në Moravë, do të kryhet rikonstruksioni i segmentit në rrugën kryesore; linja e re si dhe pikat e lidhjes, ndërsa në Voskop do të ndërtohet rrjeti i brendshëm dhe linja e transmetimit burim – depo.

Referuar detajeve të tenderit, projekti do të ekzekutohet brenda një afati 7 mujor, që nga nënshkrimi i kontratës me subjektin fitues.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.