Furnizimi me ujë/ Përfundon faza e parë e investimit në Sukth

Ministrja e Infrastrukturës dhe Energjisë, Belinda Balluku, inspektoi në fundjavë  përfundimin e fazës së parë të projektit që do të përmirësojë furnizimin me ujë të pijshëm të njësisë administrative të Sukthit, në Bashkinë e Durrësit.

Sipas njoftimit zyrtar nga Ministria e Infrastrukturës, përfundimi i fazës së parë të investimit, garanton furnizim 24 orë me ujë të pijshëm për afro 2200 banorë. Ministrja theksoi se krahas banorëve, në zonën në fjalë, ka dhe një numër të madh biznesesh që ushtrojë aktivitetin e tyre dhe që do të përfitojnë nga ky investim.

Ministrja Balluku bëri të ditur se, së shpejti, në këtë zonë do të nisin punimet për fazën e dytë të projektit, nga do të përfitojnë furnizimi të pandërprerë me ujë të pijshëm 3900 banorë.

Ersuin Shehu/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.