Furnizimi me vaksina anticovid – “ISHP ka kërkuar Coronavac për plotësimin me dozën e dytë, ndryshohet kontrata me turqit”
Nevoja për plotësimin me dozën e dytë të vaksinës Coronavac të 281 mijë qytetarëve ka detyruar qeverinë të ndryshojë marrëveshjen me distributorin turk të vaksinës kineze, duke synuar rritjen e numrit të vaksinave që do të mbërrijnë në Shqipëri”. Deklarata është bërë nga zv.ministrja e Shëndetësisë, Mira Rakacolli gjatë diskutimit në Komisionin parlamentar të Ligjeve të 2 Akteve Normative për miratimin e tekstit të marrëveshjes së furnizimit me kompaninë turke.
Rakacolli tha se një nga arsyet e kërkesës për furnizimin me vaksinën e prodhuar nga kompani Sinovac, lidhet me lehtësitë në procedurat e administrimit, në raport me vaksinat e tjera.
Sipas të dhënave të Ministrisë së Shëndetësisë deri më tani ajnë kryer 816 mijë vaksinime, nga të cilët 320 mijë kanë marrë të dyja dozat.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.