Futbolli në kohë pandemie – Pa tifozë, pa përqafime dhe me maska, në Kore të Jugut rinis kampionati
Pandemia globale ka shkaktuar një furtunë të vërtetë në të gjithë botën, dhe ndër sektorët më të prekur është edhe sporti. Ndërkohë që shumë pak shtete të botës kanë caktuar datat e fillimit të këtyre aktiviteteve dhe ndërkohë që pjesa dërrmuese e vendeve nuk e dinë ende nëse do të rinisin apo jo, në Korenë e Jugut ka rifilluar kampionati i futbollit, paçka se nën masa mjaft strikte.
Ndeshja e parë për K-ligën ishte ajo mes Jeonbuk Hyundai dhe Suwon Samsung. Pas një shtyrje të kampionatit prej më shumë se 2 muajsh për shkak të sars-cov-2, ndeshja e rinisjes, u luajt pa spektatorë, ashtu siç tashmë e parashikon edhe protokolli i ri.
Ndërkohë që stolat e stadiumit qëndrojnë bosh, trajnerët dhe lojtarët zëvendësues janë të detyruar të mbajnë maskë për fytyrën. Ndeshja e futbollit në epokën e bashkëjetesës me sars-cov-2 duket se nuk i ngjason aspak atij sporti që të gjithë njohin, me spekatortë, brohoritje, e përaqfime pas shënimit të një goli. Korea e Jugut ka filluar procesin e lehëtsimit të masave që prej 6 majit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.