Gabimet e gjykatave, Vishaj: 130 vendime të rrëzuara nga Strasburgu, miliona euro dëm
Vendimet e gabuara të gjykatave shqiptare që rrëzohen nga Strazburgu janë kthyer në një peshë të rëndë për xhepat e shqiptarëve.
Avokati Saimir Vishaj thotë se deri tani janë rreth 130 vendime të rrëzuara nga Gjykata e Strasburgut, e cila i ka ngarkuar shtetit shqiptar miliona euro dëmshpërblime në favor të individëve të cilëve u është cënuar e drejta.
“Janë 130 vendime të gabuara që Gjykata e Strasburgut ka detyruar shtetin shqiptar për të dëmshpërblyer të dëmtuarit, mendoj që të parët që duhet të largohen nga sistemi i drejtësisë janë pikërisht këta gjyqtarë që kanë dhënë këto vendime duke sjellë një një boshllëk në të ardhurat e buxhetit të shtetit, gjë e cila duhet të kalonte për ndërtimin e kopshteve, cerdheve dhe pensionistëve, gjë që nuk po ndodh”.
Vishaj thotë se pavarësisht numrit shumë të madh të vendimeve të rrëzuara nga Strasburgu, asnjë gjyqtar nuk është vënë përpara përgjegjësisë.
L.R/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.