Gabimet që bizneset nuk duhet të bëjnë gjatë rihapjes – Vendosja e maskave pa trajnimin specifik dhe krijimi i hapësirave të reja
Ndërsa shtetet rihapin ekonomitë e tyre dhe lehtësojnë masat e karantinimit, bizneset po përballen me vështirësi, jo vetëm për të rikthyer me siguri punonjësit, por edhe për të ofruar siguri për konsumatorët. Ndërsa masat që mund të marrin janë të shumta, e disa prej tyre janë edhe të imponuara nga qeveritë, këtu janë disa gjëra që bizneset nuk duhet të nxitohen për të bërë:
Mos miratoni manovra të marrjes së temperaturës që drejtohen nga biznesi juaj. Problemet që hasen këtu: Mbajtja e të dhënave biometrike private pasi të jenë mbledhur, kompensimi i punonjësve ndërsa ata presin në radhë, dhe mbajtja e tyre në radhë të sigurt, duke pasur parasysh imperativin në distancën shoqërore.
Mos supozoni se distancimi social do të jetë i lehtë për t’u zbatuar. Ndërsa distanca shoqërore duket e thjeshtë në teori, është shumë më e vështirë të ekzekutohet. Edhe nëse mund të lëvizni kabinat në mënyrë që të gjithë të jenë dy metra larg, duhet të adresoni dhomat e pushimit dhe banjat me të njëjtat masa. Dhe mos harroni korridoret!
Mos supozoni se të gjithë punëtorët tuaj do të ndjehen të sigurt mjaftueshëm për t’u rikthyer në punë. Edhe nëse i merrni të gjitha masat e nevojshme të sigurisë, ka shumë të ngjarë që të keni disa punonjës që nuk duan të kthehen në punë sepse ndjehen të pasigurt. Filloni të mendoni tani se si do t’i trajtoni operacionet nëse shumë njerëz ende dëshirojnë të punojnë nga shtëpia dhe si do t’i trajtoni të gjithë punonjësit në mënyrë të drejtë në këtë rast.
Mos e pajisni ekipin tuaj me maska pa një procedurë të duhur. Disa urdhra shtetëror mund të kërkojnë nga ju që të furnizoni ekipin tuaj me maska. Në shumë raste, ky urdhër nuk do të vijë me ndonjë udhëzim shtesë, kështu që do t’i takojë kompanisë tuaj të hartojë një plan për marrjen e një furnizimi të mjaftueshëm, mbajtjen e tyre të pastër dhe trajnimin e punonjësve se si t’i veshin ato siç duhet. Një pyetje tjetër që duhet marrë në konsideratë: Cila është përgjigjja juaj nëse një punonjës dëshiron të vendosë një shall në vend të maskës?
Mos harroni të hartoni një plan për mënyrën e trajtimit të vizitorëve në zyrën tuaj. Të gjitha masat e kujdesshme që ju merrni për të mbajtur stafin tuaj të sigurt do të jenë të kota nëse nuk mendoni gjithashtu se si të trajtoni vizitorët në zyrën tuaj, sikurse klientët apo partnerët.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.