Gabimet që nuk duhet të bëni kur dekoroni dhomën tuaj të ndenjes
Ju ndodh ndonjëherë të shihni dhomën e ndenjes e të mendoni se është shumë e vogël apo duket pak e zymtë?
Mund të jetë e vërtetë por mos u shqetësoni, kurrsesi mos mendoni se nuk keni aftësi për të arritur rezultate të njëjta me projektuesit profesionistë.
Duke ndjekur vetëm disa rregulla të thjeshta si dhe duke shmangur kurthet e zakonshme ju mund të krijoni një hapësirë të mrekullueshme e relaksuese pa shpenzuar një mal me para.
- Ngjyrat e çelëta
Ngjyrat e çelët kanë tendencën t’i japin shtëpisë më shumë hapësirë si dhe ndjenjën e pastërtisë. Nëse keni një shtëpi të vogël dhe mobiliet apo dh ngjyra e murit është e errët ajo do të duket edhe më e vogël.
- Mos blini gjithçka të bukur që ju kap syri
Një dizenjim i mirë i shtëpisë nuk do të thotë që të blini gjithçka të shtrenjtë apo të bukur që ju zë syri. Modelimi i shtëpisë kërkon stil si dhe kërkon që t’i përmbaheni një sërë rregullash, sidomos kur shtëpia është e vogël ose shumë e madhe. Rregullat janë shumë specifike e janë ndër ato që bëjnë diferencën.
- Mos i ngjisni të gjitha mobiliet tuaja pas murit
Përgjithësisht duke u përpjekur për të fituar sa më shumë hapësirë, njerëzit kanë tendencën t’i shtyjnë të gjitha mobilet pas murit. Kjo është një teknikë e gabuar e cila jep efekt të kundërt duke e bërë shtëpinë të duket më e vogël.
- Shikoni me kujdes lartësinë e objekteve artistike në mur
Arti i varur shumë lart apo shumë poshtë është një shëmti e vërtetë nëse nuk i dini rregullat e varjes së kornizave apo pikturave në mur, më mirë mos vendosni asgjë.
- Mos zgjidhni një rrugicë shumë të vogël
Një nga fajtorët kryesorë që e bën dhomën tuaj të ngjasojë e vogël janë rrugicat apo tapetet e vogla. Rregulli është që qilimi kurrë nuk duhet të jetë “lundrues” në qendër të dhomës, por duhet të jetë ankoruar nga mobiliet tuaja.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.