Gara e universiteteve – Universiteti i Tiranës me mbi 50% të aplikantëve për studentë
Mbi 50% e maturantëve të cilët aplikuan për të vijuar studimet e larta gjatë vitit akademik 2017-2018, kanë zgjedhur fakultetet pranë Universitetit të Tiranës.
Gjatë këtij viti akademik sipas renditjes së 10 preferencave ne formularët a2 rezulton se ekonomiku dhe drejtësia ishin dy degët më të përzgjedhura njëkohësisht edhe fakultetet me numrin më të lartë të pranimeve , përkatësisht me 1380 studentë dhe 750 studentë, ndërkohë që rezulton me numrin më të ulët Universiteti i Arteve, vetëm me 241 studentë.
Sipas statistikave zyrtare në krye të preferencave të maturantëve qëndronin shkencat sociale, Biznes dhe ligj duke vijuar me shëndetësinë dhe mirëqenien si edhe shkencat inxhinierike. Një vit më parë vendin e parë e zinin shkencat inxhinierike ku 50% e aplikantëve zgjodhën informatikën, ndërsa 1/3 e aplikantëve zgjodhi financën.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.