Gara për Avokatin e Popullit, kush janë 5 kandidatët e parë
Kuvendi ka çelur me 30 dhjetor 2016 garën e aplikimeve për kandidatët për Avokat të Popullit.
Deri më tani rezulton se në garë janë përfshirë 5 kandidatë, mes të cilëve edhe Avokati i Popullit në detyrë Igli Totozani, që synon një mandat të dytë. “SCAN” ka mësuar se krahas Totozanit, në garë janë edhe 4 kandidatë të tjerë: Jordan Daci, Adrian Liçaj, Erisa Ndroqi dhe Dorian Veshaj.
Afati i fundit i aplikimeve është data 18 Janar, çka nënkupton se zyrtarisht pjesë e garës mund të jenë edhe më shumë se 5 persona.
Kjo është hera e dytë që hapet gara për kandidatët për Avokat të Popullit, pas asaj që u mbyll në muajin Tetor 2016.
(K.K)
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.