Gara për restaurimin e kalldrëmeve të Gjirokastrës, kompanitë afat deri me 18 qershor për ofertat! Punimet mbyllen për 12 muaj

Qeveria shqiptare ka marrë një financim nga Banka Botërore kundrejt kostos së projektit “Integrimi urban dhe zhvillimi i turizmit” dhe ka për qëllim të përdorë pjesë të këtij financimi për kontratën “Restaurimi i ansamblit arkitektonik “Pazari Gjirokastër”, Monument i Kategorisë së Dytë”.

Në këtë kuadër, Fondi Shqiptar i Zhvillimit ka nisur procedurat dhe fton ofertues të kualifikuar, për të paraqitur ofertat e tyre për punimet civile: “Rehabilitimi i infrastrukturës dhe restaurimi i kalldrëmeve, në pazarin e Gjirokastrës”, që parashikohen të kryhen për një periudhë kohore prej 12 muajsh.

Referuar thirrjes së publikuar në Fletoren Zyrtare, afati i dorëzimit të ofertave është data 18 qershor 2018, ora 10:00. Ato duhet të dorëzohen te zyrat e FSHZH-së pasi ofertat elektronike nuk do të lejohen. Të gjitha ofertat duhet të shoqërohen nga një sigurim oferte me vlerë 2,400,000 lekë (dy milionë e katërqind mijë)

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.