Gara që rrezikon Europën – 21 shtete konkurrente për agjencitë që do largohen nga Londra
Autoriteti Bankar Europian, EBA, dhe Agjencia Europiane e Ilaçeve, EMA, strehohen të dyja në Londër, dhe me daljen e Britanisë nga unioni do të duhet të gjejnë strehë diku gjetkë ndër 27 vendet e mbetura.
Në garë për këtë janë plot 21 shtete, pra vetëm 6 prej tyre kanë hequr dorë. Një konkurrencë e tillë shumë shpejt mund të kthehet në kacafytje mes vendeve të unionit.
Nuk bëhet fjalë vetëm për prestigj, por edhe për shumë vende pune. 19 qytete janë të gatshme të strehojnë Agjencinë Europiane të Ilaçeve, dhe 6 shtete atë të autoritetit bankar, deklaroi vetë Këshilli i Europës.
Kanë preferuar të mos ngatërrohen në një çështje të tillë Hungaria, Sllovenia, Qipro, Estonia, Lituania dhe Letonia. Gjermania, Franca, Irlanda, Austria, Polonia dhe Belgjika janë në garë për të dyja agjencitë.
Komisioni Europian do të vlerësojë kandidatët në Shtator, ndërkohë që vendimi pritet në muajin nëntor. Për të mos rrezikuar një skandal që do të minonte unitetin e rajonit, liderët europian do të kërkojnë medoemos një konsensus.
Milano është qyteti favorit për të mikpritur agjencinë europiane të ilaçeve. Sa i përket autoritet bankar, Frankfurti shihet si kandidatura më favorite.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.