Garantohen lodrat e fëmijëve, Xhixha: Këtë vit nuk është importuar asnjë produkt i rrezikshëm
Në sezon festash kur blerja e lodrave për dhurata rritet ndjeshëm, Inspektorati Shtetëror i Mbikëqyrjes së Tregut garanton se gjatë gjithë vitit 2018, në rrugë ligjore, nuk është importuar asnjë lodër e rrezikshme dhe që nuk përmban markimin CE.
Kjo do të thotë se është rritur siguria për qytetarët, pavarësisht se duhet të jenë të ndërgjegjësuar që në çdo produkt që blejnë, të kontrollojnë nëse përmban shenjën CE.
Pavarësisht kësaj, qendra për Konsumatorin Shqiptar shkon edhe më tej, duke kërkuar që lodrat të përmbajnë shpjegim në gjuhën shqipe.
Lajmet u bënë me dije që konferencës përmbyllëse të projektit 4 vjeçar të GIZ për harmonizimin e legjislacionit shqiptar me atë të Bashkimit Europian, sa i përket sigurisë së produkteve dhe mbrojtës së konsumatorit në Shqipëri, përjashtuar ato ushqimore.
Në këtë pikë, fokusi kryesor është ndërgjegjësimi i operatorëve ekonomikë në të gjitha fushat.
Vitin e ardhshëm, Inspektorati Shtetëror i Mbikëqyrjes së Tregut do të fokusohet tek detergjentet, ashensorët dhe pajisjet elektrike për të garantuar sigurinë maksimale si dhe tek pronësia intelektuale.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.