Garda Presidenciale Greke – Kuptimi i veshjes tradicionale dhe si trajnohen të rinjtë
Garda Presidenciale Greke është një tërheqje e madhe turistike në Greqi. Por çfarë i bën ata kaq të veçantë?
Divizioni u formua në 1868 dhe ushtarët e saj, të quajtur “Evzones”, veshin kostume tradicionale dhe kryejnë shfaqje koreografie me kujdes gjatë qëndrimit dhe ndërrimit të rojeve.
Uniformat e Evzones nuk janë vetëm për dekorim, ato përfaqësojnë shumë më tepër. Sipas rrobaqepësit të Gardës Presidenciale, Vangelis Lazos, çdo detaj i kostumit përfaqëson betejat domethënëse të luftuara përgjatë historisë moderne të Greqisë dhe uniforma është një simbol i krenarisë kombëtare të vendit.
Versioni zyrtar i uniformës është i bardhë dhe vishet të dielave dhe në raste të festave zyrtare, me një tunikë, të veshur në disa raste me ngjyrë kaki në verë dhe blu në dimër.
Pjesa e sipërme e kostumit përmban një jelek me qëndisje të ndërlikuar. Në pjesën e poshtme, Evzones veshin një fustanellë të bardhë të përbërë prej pëlhure të cilat paraqesin 400 vitet gjatë së cilës Greqia drejtohej nga vendet e tjera.
E kuqja mbi kapelet e Evzones simbolizon gjakun e derdhur nga paraardhësit grekë të ushtarëve, të cilët luftuan për liri. Ndërsa e zeza simbolizon kujtesën e tyre dhe xhufka përfaqëson popullin Grek, me nyjën që tregon se populli do të bashkohet kur është e nevojshme.
Rekrutët e rinj duhet të trajnohen për gjashtë muaj para se të mund të kryejnë lëvizjet unike të ngadalta të dallueshme nga Evzones. Nëse do të marrin pjesë në ceremoni për udhëheqësit e huaj, ata marrin trajnime speciale të veçanta.
Pas gjashtë muaj trajnimi, Evzones duhet të jetë vigjilent kur janë në detyrë, por duhet të tregohen indiferent ndaj çdo stimulimi përreth dhe nuk lejohen shprehje ose lëvizje të papritura.
Çdo të Diel në mëngjes në orën 11:00 me kohën lokale, ushtarët veshin kostumet e tyre dhe marshojnë drejt varrit të Ushtarit të Panjohur për ndërrimin e rojës, një nga atraksionet më të mëdha turistike në Athinë.
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.