Gati konstituimi i SPAK – Gjatë së mërkurës 6 aplikime të reja në KLP, në listë edhe Prela
Vetëm një ditë nga skadimi i afatit të fundit, numri total i kandidatëve për Strukturën e Posaçme Antikorrupsion, e njohu si SPAK ka shkuar në 22.
Gjashtë kandidaturat e fundit kanë ardhur gjatë ditës së mërkurë. Por ajo që tërhoqi vëmendjen ishte kandidimi i Kreut Prokurorisë së Krimeve të Rënda Donika Prela për një vend në këtë strukturë.
Për shkak të numrit të ulët aplikimeve, Këshilli i lartë i Prokurorisë zgjati edhe një javë afatin, i cili përfundon të enjten.
Numri i aplikantëve është gjithsesi i ulët, pasi pritshmëritë ishin që në garë të përfshiheshin të paktën dyfishi i numrit të vendeve vakante për SPAK, i cili do të përbëhet nga 15 anëtarë.
Megjithatë, KLP tashmë ka numrin e mjaftueshëm të kandidatëve për të nisur procesin e përzgjedhjes së anëtarëve dhe krijimin e SPAK.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.