Gati Paketa “anti” President dhe KÇK. Betimi për kushtetuese, jo vetëm te Presidenti. Gjyqtarët e korruptuar, pezullim i menjëhershëm
Komisioni parlamentar i ligjeve ka nisur të enjten shqyrtimin e dy drafteve që synojnë heqjen e detyrimit që gjyqtarët e kushtetueses të betohen përpara Presidentit të republikës dhe pezullimin e menjehershëm të magjistratëve që dyshohen për shkelje disiplinore, ndërkohë që legjislacioni në fuqi u siguron vijimin e detyrës.
Propozimet janë bërë nga dy deputetëtë të mazhorancës, pas ngërccit institucional të krijuar në momentin e refuzimit të President Ilir Meta për të dekretuar një gjyqtare të Kushtetueses në fund të vitit të shkuar dhe parashikojnë mekanizma zhblllokues nëse kjo situatë përsëritet.
Ndërkohë që ndryshimi tjetër i krijon mundësinë KLGJ dhe KLP-së të pezullojë brenda tre ditëve një gjyqtar apo prokuror ndaj të cilit Inspektori i Lartë i Drejtësisë nis një procedim disiplinor.
Ministrja e Drejtësisë, Etilda Gjonaj, argumentoi në Komision se ndërhyrjet në legjislacion janë të domosdoshme në rastet kur disa prokurorë e gjyqtarë po fitojnë ç’të munden në pritje të shkarkimit nga Vetting-u, si dhe për ngërçin që shkakton në sistem situata e refuzimit të Presidentit për të bërë betimin e anëtarëve të Kushtetueses.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.