Gazprom i rikthehet fitimeve në T1 – Të ardhura neto në 6.1 miliard prej çmimit dhe shitjeve më të larta  

Gjiganti rus i gazit, Gazprom, raportoi ditën e Premte një fitim neto për tremujorin e parë në 6.1 miliardë dollarë, pasi çmimet e larta dhe shitjet më të mëdha kanë ndihmuar të rimëkëmbet nga humbja prej 1.58 miliardë dollarë një vit më parë. Gazprom, që kontrollohet nga Kremlini, pati nxitje të shitjeve nga dimri i ashpër si dhe lehtësimi i masave të karantinës së Covid-19.  Kompania theksoi se pret që prodhimi i gazit në vitin 2021 të arrijë në nivelin më të lartë në 10 vite prej mbi 506 miliardë metra kub.

Gazprom ka përfituar gjithashtu nga një kurs i favorshëm i këmbimit të rublës, ndërkohë që regjistroi një fitim nga këmbimi valutor prej rreth 220 milionë dollarë në tremujorin e parë, pas një humbjeje gjigante në të njejtën periudhë një vit më parë, kur rubla ra kundër dollarit dhe euros.

Aksionet e gazprom u rritën me rreth 1% në nisje të tregtisë në Moskë.  Shitjet në periudhën Janar-Mars, u rritën në rreth 30 miliardë dolarë, nga 23 miliardë, dhe të ardhurat përpara interesit, taksave, zhvlerësimit dhe amortizimit(EBITDA), u rritën me 38% në. Gazprom, që është përfshirë në ndërtimin e një kompleksi gjigant të procesimit të gazit në Detin Baltik, ka rishikuar gjithashtu në rritje invesitmet e grupit për vitin 2021, në 25 miliardë dollarë.

SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.