Gazsjellësi TAP, gati 95% e rrugës në Greqi dhe Shqipëri – Shumë pranë objektivit për 2020
Rruga në të cilën do të kalojë gazsjellësi Trans-Adriatik është pothuajse tërësisht e hapur dhe bërë gati për shtrimin e tubacioneve të mbetura. Konsorciumi i TAP njoftoi se tashmë 95%, ose 725 kilometra nga 765 kilometra në total midis Shqipërisë dhe Greqisë janë të pastruara dhe rregulluara.
Tashmë që edhe 75% e tubave janë vendosur në tokë dhe një pjesë e konsiderueshme e tyre janë salduar dhe janë gati për të pritur dërgesën e parë të gazit, punimet totale për TAP kanë përfunduar në mbi 70% të tyre.
95% of TAP's route in #Greece & #Albania is now cleared (~725km out of 765km total). 👀#pipeline 🚧 steps https://t.co/40PkeG3SkY
Realising TAP & opening #SouthernGasCorridor will be a historical step towards #energysecurity & #natgas diversification #energy pic.twitter.com/T5QGbYZlAi
— TAP (@tap_pipeline) May 9, 2018
Gazsjellësi që do të transportojë gazin natyror nga Azerbajxhani drejt Italisë dhe pjesës tjetër të Europës pritet të bëhet operativ në vitin 2020 dhe raportet e ecurisë tregojnë se ky objektiv është gjithmonë e më pranë realizimit.
Ndërkohë, kompania ka shpallur pak ditë më parë edhe ftesën për parakualifikimin e kompanive të interesuara në ngritjen e sistemeve të telekomunikimit dhe sigurisë.
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.