Gent Beqiri: ‘Një shqiptar nuk mund të menaxhojë aeroportin!- Duhet të rishihet kontrata me koncesionarin dhe të kompesohet dëmi
Për të dhënë opinionin e tij lidhur me grabitjen që ka ndodhur në aeroportin e Rinasit, pak ditë më parë, i ftuar në ‘Argumet’, ishte ish- drejtor i AIDA, Gent Beqiri. Sipas tij, vendi ynë nuk ka një investim te mirë në zhvillimin e sigurisë së aeroportitit.
‘’Aeroporti duhet të kalojë nën kujdesjen e Bashkisë Tiranë dhe jo asaj të Vorës, pasi duhet një plan i mirëfilltë për cdo leje ndërtimi që jepet aty, ku vëmë re që disa banesa ndodhen shumë pranë aeroportiit. Përsa i përket sigurisë së dobët të aeroportit, nuk është veëm faji i koncesionarit, se pse portat mbyllen ende me dryna. Ministria përkatëse, nuk e ndjek kompaninë koncesionare sesi operon gjatë gjithë vitit. Vërtet kemi zgjatur kontratën, por serish nuk merremi me projektet që ka kompania koncesionare për zhvillimin e mëtejshëm të aeroportit. Nuk kemi ende asgjë të qartë, kur vazhdojmë ende të kemi avionë të nivelit të ulët dhe të mesëm.
Nuk mendoj për një prishje kontrate, por gjithashtu nuk mendoj se një shqiptar mund të menaxhojë aeroportin, si nga pikpamja informative por dhe nga ndërhyrjet politike që mund të këtë. Një kompani e huaj do ta kryente disa herë më mirë këtë detyrë. Duhet të rishihet kontrata dhe të kompesohet dëmi!– është shprehur Beqiri.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.