‘Gëzuar Vitin e Ri’ – Nis sot viti i ri hënor – Cila shenjë e zodiakut do të mbizotërojë në 2021?!
Megjithëse festat dhe udhëtimet janë limituar dhe kufizuar ndjeshëm në pjesën më të madhe të botës dhe Covid-19 ka hedhur hije mbi Vitin e Ri Hënor për të dytin vit radhazi, kjo nuk do të thotë se nuk ka mënyra me të cilat ne mund ta shënojmë rastin special.
Viti i Ri Hënor bie më 12 shkurt të këtij viti ndërsa ne i japim lamtumirën e fundit Vitit të Miut dhe i përshëndetemi me Vitit e Demit.
Ndërsa mund të keni dëgjuar për kalendarin zodiak 12-vjeçar kinez, të përfaqësuar nga 12 kafshë të ndryshme, në fakt realisht ai është shumë më i komplikuar se kaq.
Një vit nuk kategorizohet vetëm nga kafsha e tij zodiakale. Ekziston gjithashtu një cikël më kompleks 60 vjecar- një kombinim i një prej 10 rrjedhave qiellorë dhe një prej 12 degëve tokësore.
Për shembull, 12 shkurti shënon fillimin e vitit xin chou, sipas ciklit 60 vjecar. “Xin” përfaqëson kërcellin qiellor për elementin metal, ndërsa “chou” është simboli i degës tokësore për demin, duke e bërë atë Viti i Demit Metalik.
Viti i xin chou do të ketë një theks të fortë në elementin metalik yin. Elementi metalik përfaqëson çdo gjë që nga bizhuteritë te gjilpëra e shiringës. Pra, ne mund të shohim një theks më të madh në industritë që lidhen me metalin në 2021. Përveç atyre që i përkasin shenjës së zodiakut kinez të demit edhe pjesa tjetër e shenjave do të preken nga ndryshimet që sjell ky i vit i ri hënor. (CNN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.