Gjenerata e më të rinjve preferon më shumë të blejë në dyqane fizike sesa online – kështu zbulon ky studim
Gjenerata Z mund të jetë gjenerata e parë që është e rritur me celularë dhe laptopë, por kjo nuk do të thotë se ata do të bëjnë blerjet e tyre të pushimeve vjetore në internet.
Brezi i ri ka më pak të ngjarë se “Millenialët” dhe Gjenerata X për të bërë blerje në internet, sipas një raporti nga ‘The NPD Group’ bazuar në sondazhet në internet të 3,485 konsumatorëve në shtator.
Kjo është pjesërisht për shkak të mungesës së kartave të kreditit dhe fondeve të brezit të ri, si dhe prej faktit se ata i shohin blerjet si një formë argëtimi, tha Marshal Cohen, këshilltar kryesor i industrisë së ‘Grupit NPD’.
“Studentët e kolegjit po kthehen në shtëpi, dhe tani ata kanë mundësinë për të bërë blerje me familjen ose miqtë,” tha Cohen. “Pazari në qendrat tregtare nuk ka të bëjë vetëm me blerjet.”
Ai shtoi se ata i pëlqejnë të përdorin qendrat tregtare si një vend për të dalë me shoqërinë dhe për t’i shoqëruar këto dalje edhe me ushqime.
Blerësit e rinj janë ende në “fazën e kërkimit”, tha Stephanie Wissink, një analist i firmës kërkimore ‘Jefferies’. Ata akoma po formojnë mendimin e tyre për brand-et e ndryshme.
“Procesi i zbulimit në dyqane është shumë më i thellë,” tha Wissink. “Mendimi, përpjekja që bëhet për të, si dhe socializimi me të tjerët që po bëjnë të njëjtën gjë.”
Më të vjetërit e gjeneratës Z janë të moshës nga 18 deri në 22 vjeç, dhe kanë filluar të fitojnë dhe të shpenzojnë paratë e tyre. Edhe pse ata planifikojnë të shpenzojnë më pak nga të gjithë brezat, një e treta e tyre planifikojnë të shpenzojnë më shumë në këtë vit sesa në të tjerët.
Pavarësisht se kanë më pak njerëz sesa Gjenerata Z ose “Millenialët”, blerësit e gjeneratës X, të moshave 39 deri në 54 vjeç, mund të bëjnë një ndryshim të madh këtë vit.
Grupi shpesh i lënë pas dore planifikon të shpenzojë më shumë se të gjithë brezat e tjerë. Blerësit e Gjeneratës X kanë më shumë të ngjarë të blejnë veshje dhe pajisje me 68%, dhe sende argëtimi me 44%.
Ata janë gjithashtu më të predispozuarit për të blerë nga tregtarët masivë dhe lojërat në internet. Kjo gjeneratë është në vitet e tyre me fitimet më të mëdha dhe kanë më shumë njerëz për të bërë blerje, tha Wissink.
“Ata po bëjnë blerje për tre gjenerata të ndryshme – veten, fëmijët e tyre dhe prindërit e tyre,” shtoi ajo.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.