“Gjeografia” e shkëmbimeve të Shqipërisë/Cilat janë shtetet që mbajnë peshën më të madhe në rritjen e eksporteve në janar 2018
Gjatë muajit janar 2018, Shqipëria ka njohur një rritje të eksporteve me rreth 3.3 miliard lekë, krahasuar me janarin e vitit 2017. Gjithsesi, kjo rritje nuk arriti të kontribuonte në përmirësimin e bilancit tregtar të vendit.
Referuar të dhënave të tregtisë së jashtme të publikuara nga INSTAT, rezulton se në total gjatë muajit janar 2018 Shqipëria ka eksportuar mallra në vlerë 19 miliard lekë ndërsa në janar 2017 shifra ishte 15 miliard e 763 milion lekë.
Vendet e Bashkimit Europian janë ato ku Shqipëria eksporton më shumë e thuajse më të gjitha vendet shënohet rritje e eksporteve. Ritjen më të madhe të eksporteve gjatë janarit, Shqipëria e ka me Spanjën me 1 miliard lekë më shumë se e njëjta periudhë e një viti më parë, me Italinë me 721 milion lekë më shumë se e njëjta periudhë e një viti më parë si dhe me Gjermaninë me 492 milion lekë më shmë e me Greqinë me 457 milion lekë më shumë.
Në këtë rritje të eksporteve, rezulton se peshën më të madhe të rritjes e mbajnë Spanja dhe Italia.
Ndërkohë, sa i përket vendeve jo anëtare të Bashkimit Europian, Shqipëria rritjen më të madhe në vlerë e ka me Kosovën. Referuar të dhënave të INSTAT, rezulton se në janarin e 2018, Shqipëria ka eksportuar në Kosovë 412 milion lekë mallra më shumë se në janarin e vitit 2017.
Ndërkohë, me Rusinë, Shqipëria vijon të mbajë shifrën 0 në eksporte (embargo) ndërsa me Ukrainën eksportet kanë shënuar rënie duke shkuar në shifrën 0 (zero). Në janar të vitit 2017, Shqipëria ka eksportuar në Ukrainë 80 milion lekë mallra ndërsa në janarin e këtij viti eksportet kanë rënë në zero. Po ashtu, edhe me Turqinë Shqipëria ka njohur një rënie të vogël të eksporteve gjatë janarit 2018 me 3 milion lekë.
Më Kinën Shqipëria ka njohur një rritje të eksporteve me 123 milion lekë krahasuar me të njëjtën peridhë trë një viti më parë ndërsa me Shtetet e Bashkuara të Amerikës, rritja e këtij janari është me 308 milion lekë më shumë se në janarin e vitit të kaluar.
Për më shumë lexo edhe:
http://www.scan-tv.com/fluturon-deficiti-rritja-e-importeve-e-zgjeroi-31-ne-janar/
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.