Gjermania bëhet gati për të njohur patentat shqiptare! Një ekip i ministrisë së Transporteve nga Berlini vjen në Tiranë

Për pak ditë në Tiranë do të vijë një ekip i ministrisë së Transporteve të Gjermanisë për të bërë një raport për Berlinin lidhur me njohjen e patentave shqiptare atje. Kjo u bë e ditur nga kryeministri Edi Rama në videokonferencën pas takimit me kancelaren gjermane Merkel.

“Duke qenë se shumë miq këtu në këtë faqe më kërkuan me insistim të ngre me kancelaren çështjen e njohjes së patentave të drejtimit të automjeteve në Gjermani, dua t’ju jap lajmin besoj të mirë që në shkurt vjen në tiranë  një ekip i ministrisë së Transporteve të Gjermanisë për të bërë një raport për Berlinin zyrtar lidhur me pikërisht këtë proces dhe këtë kërkesë.

Kjo është një kërkesë në fakt e kahershme dhe e ka bërë prej kohësh disa herë por duke qenë se mikun në Berlin e kemi më të fortë se kurrë, unë kam besim që këtij halli të shqiptarëve në Gjermani po i vjen fundi” tha kryeministri.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.