Gjermania dhe Hungaria shënojnë 30 vjetorin e rënies së Perdes së Hekurt

Angela Merkel dhe Viktor Orban nuk pajtohen shumë, por të hënën liderët u mblodhën për të shënuar 30 vjetorin nga rënia e Perdes së Hekurt.

Hungaria ishte vendi i parë që shkatërroi kufirin Lindje-Perëndim. Por tani, ajo ka një nga kufijtë më të fortifikuar të Europës, i krijuar për të mbajtur emigrantët duke u përpjekur të arrijnë në BE.

Merkel lindi në Gjermaninë Lindore dhe ajo falënderoi Hungarinë për rolin e saj në rrëzimin e Murit të Berlinit.

Filloi më 19 gusht 1989 në qytetin hungarez Sopran, në kufirin me Austrinë. Në një gjest simbolik të dakorduar nga të dy vendet, do të hapet një portë kufitare për tre orë për të lejuar një piknik.

Lajmet për ngjarjen u përhapën shpejt dhe më shumë se 600 gjermanë të Lindjes shfrytëzuan mundësinë për të ikur në Perëndim. Rojet kufitare hungareze nuk pranuan t’i bllokonin ato dhe ngjarja ishte një moment historik kryesor që çoi në fund të Perdes së Hekurt.

Më 11 shtator, kufiri u hap përfundimisht dhe rreth 30,000 gjermanë të Lindjes ikën në perëndim.

Mbyllja e kufijve çoi në një kryengritje masive popullore e cila përfundimisht arriti kulmin në shkatërrimin e murit të Berlinit më 9 nëntor 1989 dhe ribashkimin e Gjermanisë Perëndimore dhe Lindore vitin e ardhshëm.

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.