Gjermania do të limitojë aktivitetet publike – Në zona ku spitalet janë mbingarkuar, vetëm të vaksinuarit mund të dalin
Kancelarja gjermane, Angela Merkel, tha se Gjermania do të limitojë pjesë të mëdha të jetës publike në zona ku spitalet janë mbusuhur me pacientë me Covid-19, duke i limtuar vetëm për të vaksinuarit apo ata që janë shëruar nga sëmundja. Ajo tha se ky vendim është i nevojshëm për të trajtuar valën e katërt të pandemisë, që ka çuar spitalet në mbikapacitet. “Shumë prej këtyre masave nuk do të ishin të nevojshme nëse më shumë njerëz do të vaksinoheshin dhe nuk është shumë vonë për t’u vaksinuar edhe tani”- tha kancelarja. Në vendet ku numri i të shtruarve në spitale kalon një limit të caktuar, aksesi në evente publike, kulturore, sportive si dhe tek baret e restorantet, do të kufizohet vetëm tek ata që janë vaksinuar, apo që janë shëruar nga sëmundja së fundmi.
“Me dinamikën aktuale ne po shkojmë drejt një situate tejet të vështirë, veçanërisht për të gjithë njerëzit që punojnë në spitale dhe në njësi të kujdesit intensiv. Ne kemi thënë gjithnjë që nuk duam që sistemi shëndetësor të arrijë në mbikapacitet. Prandaj dhe konferenca e kryeministrave ishte e nevojshem dhe ne na duhet të mbikqyrim nëse vendimet janë të mjaftueshme”, u shpreh Merkel.
Merkel tha se qeveria federale do të konsiderojë gjithashtu një kërkesë nga autoritetet lokale për një ligj, që i lejon atyre të detyronë vaksinimin e punonjësve të shëndetësise. Saxoni, rajoni më i goditur nga vala e katërt, po konsideron mbylljen e eventeve pulbike, sipas të përditshmes Bild, ndërkohë që shteti lindor ka dhe normën më të ulët të vaksinimit në Gjermani. Infeksionet e reja ditore janë rritur me 14-fish në muajin e fundit në Saksoni, ku mbizotëron e djathta ekstreme, partia Alternativa për Gjermaninë, që mbështetet nga shumë skeptikë të vaksinës dhe protestues kundër masave të karantinës.
Këtë Javë, Austria vendosi një karantinë për të pavaksinuarit dhe vende të tjera europiane kanë aplikuar gjithashtu kufizime. Vala e fundit e koronavirusit në Europë vjen në një moment të vështirë në Gjermani, me Merkel që po qëndron si kujdestare deri sa 3 partitë, pa përfshirë konservatorët e saj, të negociojnë formimin e një qeverie të re. Këto 3 parti drejtuan një ligj që autorizon masat për të trajtuar pandeminë përmes parlamentit ditën e Enjte. Në një shenjë të bashkimit, ministri i financave dhe kancelari i ardhshëm Olaf Scholz, mori pjesë në konferencën e Merkel. “Për t’ja hedhur paq gjatë dimrit, do të shohimmasa drastike që nuk janë marrë më parë”- tha Scholz.
Klevis Llaha/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.