Gjermania e nis vitin në ngadalësim – Të dhëna të dobëta për tregtinë dhe industrinë, nuk pritet të zgjasin
Prodhimi industrial në Gjermani ra papritmas për të dytin muaj radhazi gjatë Janarit, ndërkohë që të dhënat mbi tregtinë rezultuan të dobëta gjithashtu, duke shtuar shqetësimet se ekonomia më e madhe e Europës nuk e ka nisur vitin në vrull.
Analistët thonë se të dhënat nuk tregojnë për një ngadalësim strukturorë pasi reflektojnë më shumë efektet sezonalë.
Aktiviteti në Gjermani ngadalësohet zakonisht në muajt e Dimrit për shkak të sezonit të pushimeve. Prodhimi industrial ra me 0.1%, që është rënia e dytë radhazi mujore.
Të dhëna të tjera nga Zyra Federale e Statistikave treguan se eksportet dhe importet ranë me të njëjtën normë prej 0.5% në janar. Balanca tregtare mbeti e pandryshuar në një suficit prej 21.3 miliardë euro.
Këto të dhëna vijnë pas publikimit të porosive industriale, ku kërkesa për “Made in Germany” ra me 3.9%. Moti i ftohtë gjatë Janarit rezultoi në rënien e aktivitetit në sektorin e energjisë me 3.3%.
Perspektiva për ekonominë gjermane mbetet pozitive, ndërkohë që shfrytëzimi i kapacitetit qëndron në nivelin më të lartë që prej vitit 2008. Tarifat e presidentit Donald Trump përbëjnë një nga rreziqet kryesore për Gjermaninë.
Ministrja e Ekonomisë në Gjermani, Brigitte Zyprues tha për homologun amerikan se tarifat mund të nxisin vendet e tjera që të përdorin gjithashtu sigurinë kombëtare si arsye për të paraqitur kufizimi në tregti, duke cenuar kështu rregullat globale.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.