Gjermania i hap ‘derën’ vaksinës ruse Sputnik. Ministri i Shëndetësisë: Nëse rezulton e sigurt, asnjë pengesë

Ministri i Shëndetësisë në Gjermani Jens Spahn ka lënë të kuptohet se vaksinat ruse dhe kineze kundër Covid mund të përdoren në Europë në kushtet e mungesës së dozave të duhura nga vaksinat e deritanishme.  “Pavarësisht vendit ku prodhohen vaksinat, nëse ato janë të sigurta dhe efektive, ato mund të ndihmojnë në kapërcimin e pandemisë” i tha Spahn gazetës “Frankfurter Allgemeine Zeitung”.

Ministri tha se nuk ka arsye themelore që pengon përdorimin e vaksinave kineze dhe ruse.

Rusia njoftoi pak ditë më parë se do të jetë e gatshme që të sigurojë 100 milion vaksina Sputnik për Bashkimin Europian në katërmujorin e dytë të vitit, çka nënkupton se u lejon 50 milionë njerëzve që të vaksinohen.

Tashmë aplikimi për këtë vaksinë është bërë në Agjencinë Europiane të Barnave.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.