Gjermania, larg rrezikut të recesionit – Scholz: Ka një tendencë të ngadaltë, por rritëse
Ministri gjerman i Financave, Olaf Scholz, tha se ekonomia më e madhe e Europës pritet t’i shpëtojë recesionit, duke theksuar një trend rritës në vendet anëtare të Bashkimit Europian. Ndërkohë që rreziqet nga lufta tregtare dhe dalja e Britanisë nga Bashkimi Europian po japin efekt negativ, të dhënat e fundit tregojnë për një ngadalësim në ekonominë gjermane, që shmangu recesionin në fundin e 2018-ës, që përkufizohet si dy tremujorë radhazi të tkurrjes.
Scholz tha se ka besim se ekonomia do të rikthehet një rritje modeste në të ardhmen e afërt. “Të dhënat botërore, europiane dhe gjermane, tregojnë për një trend të ngadaltë por rritës”, tha ministri. Javën e kaluar, të dhënat për ndjesinë mbi ekonominë te bizneset gjermane, patën rënie për të 6-in muaj radhazi, ndërkohë që firmat presin ndikim nga lufta tregtare mes SHBA dhe Kinës.
Scholz tha se nuk do të ketë rritje të shpenzimeve publike në kundërpërgjigje të këtij ngadalësimi, ndërkohë që Qeverisë i duhen të ardhura fiskale për t’u përballur me ndonjë krizë serioze ekonomike. Megjithatë, ka pasur para’ mjaftueshëm për të rritur pagën minimale dhe zhvilluar reformat e pensioneve, që social-demokratët e tij kanë premtuar.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.