Gjermania me “Plan Marshall” për Ballkanin. Fond i posaçëm për zhvillimin ekonomik – Propozimi i Berlinit, së shpejti për miratim në Bruksel

Gjermania ka përgatitur një “mini-plan Marshall” për Ballkanin për t’i dhënë hov zhvillimit ekonomik të rajonit, gjatë viteve të ardhshme, në një kohë që ato përgatiten për anëtarësimin në BE, njofton gazeta serbe “Veçernje Novosti”, duke cituar burime diplomatike, raporton B92 dhe Tanjug.

Propozimi i Berlinit, së shpejti do të paraqitet në Këshillin Evropian në Bruksel, i cili duhet ta miratojë atë dhe të krijojë një fond të posaçëm për shtetet e Ballkanit, thotë raporti.

“Paratë për zbatimin e planit të quajtur “Berlin Plus” do të sigurohen ndër të tjera nga Zona Ekonomike Evropiane (EEA), e përbërë nga shtete anëtare të BE-së si: Islanda, Lichtenstein, Norvegjia, si dhe nga Shoqata Evropiane e Tregtisë së Lirë, e përbërë nga të njëjtët grup shtetesh, përfshirë edhe Zvicrën”.

Plani do të jetë i rëndësishëm për vendet në rajon, nisur nga projektet që pritet të financohen në të ardhmen në shtetet e Ballkanit.

Për më gjatë lexoni këtu artikullin.

Osman Dedja/SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.