Gjermania mund t’i japë afat deri në 2026-ën industrisë së qymyrit për të mbyllur hidrocentralet
Qeveria gjermane nuk do t’i detyrojë termocentralet e qymyrit të mbyllen gjatë shtatë viteve të ardhshme, një projektligj që pritet të miratohet nga kabineti javën tjetër, tregoi të martën.
Një projekt i mëparshëm i parë nga Reuters përcaktonte që shërbimet komunale do të detyroheshin të çaktivizonin termocentralet e qymyrit deri në vitin 2026, nëse mbylljet nuk do të ndodhin vullnetarisht.
Qeveria planifikon të përdorë një përzierje të subvencioneve dhe tenderëve për të inkurajuar operatorët të mbyllin impiantet e qymyrit duke filluar që nga viti i ardhshëm.
Projektligji mund ta bëjë procesin më të kushtueshëm nëse kërkohet që qeveria të shpenzojë më shumë për stimuj të tillë.
Ky projektligj është pjesë e planeve gjermane për të eliminuar energjinë e prodhuar nga qymyri deri në vitin 2038 dhe do të vihet në votim në dhomën e ulët të Bundestag nëse kabineti e miraton atë të hënën e ardhshme.
Qeveria ka vlerësuar koston e mbylljes së impianteve të qymyrit në më pak se 1 miliardë euro.
Muajin e kaluar, masat që u miratuan për të ulur në mënyrë drastike emetimet e gazrave serë u kritikuan nga aktivistët dhe grupet e industrisë si shumë të dobëta për të arritur qëllimin e Gjermanisë për t’u bërë shteti i parë në botë për asgjësimin e emetimit të gazrave deri në 2050.
Duke filluar nga viti 2020, qeveria çdo vit do të vendosë se sa gigawat të energjisë së prodhuar me qymyr duhet të hiqet nga rrjeti dhe t’i kërkojë ndërmarrjeve që të paraqesin vlerësime të kompensimit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.