Gjermania në formë – Papunësia bie në 5.8%, shitjet me pakicë rriten për muajin Shkurt
Norma e papunësisë në Gjermani ka rënë ndjeshëm për muajin Mars, duke treguar se tregu i fortë i punës do të vazhdojë të përbëjë një nxitës për ekonominë më të madhe të Europës. Norma totale e të papunëve ra me 30 mijë njësi në 2.556 milionë, raporton Zyra Federale e Statistikave, ndërkohë që projeksionet e analistëve tregonin një rënie me 10,000.
Norma e papunësisë ra në 5.8% nga 5.9% që ishte në Shkurt, duke prekur nivelin më të ulët që prej riunifikimit në 1990-ën. Mbi 40 milionë gjermanë janë tashmë të punësuar, tregojnë të dhënat e Destatis.
Kjo sjell lajme të mira në një ekonomi ku konsumi ka filluar të përbëjë nxitësin kryesor. Në të njëjtën ditë, Zyra e Statistikave publikoi edhe të dhënat mbi shitjet me pakicë, që është tregues mbi konsumin.
Shitjet me pakicë në Gjermani janë rritur sipër projeksioneve për muajin Shkurt, megjithatë me bazë vjetore treguan rënie. Treguesi u rrit me 1.8% për muajin, sipër projeksioneve për 0.7% rritje. Me bazë vjetore, shitjet ranë me 2.1, poshtë pritshmërive për 0.3% rritje.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.