“Gjermania, në valën e dytë të Covid-19”, Sindikata e mjekëve: Rrezikon të çojë dëm suksesin e valës së parë
Gjermania ndodhet që tani në valën e dytë të koronavirusit dhe rrezikon të çojë dëm suksesin e mëparshëm, duke hequr rregullat e distancimit social, sipas kreut të sindikatës së doktorëve gjermanë. Numri i rasteve ditore të konfirmuara me koronavirus është rritur në mënyrë të qëndrueshme në javët e fundit, ndërkohë që ekspertët e shëndetësisë po paralajmërojnë se mungesa e masave të higjienës dhe distancimit social po përhap virusin në komunitete.
“Jemi që tani brenda valës së dytë”- tha Susanne Johna, presidentja e Marburger Bund, që përfaqëson doktorët në Gjermani. Ajo tha se ekziston rreziku që dëshira për t’u rikthyer në normalitet dhe zbutja e disa masave, do të largojë suksesin që gjermania ka patur deri më tani. Ajo i bëri gjithashtu thirrje njerëzve që të ruajnë rregullat e distancimit social, të higjienës dhe të vendosin maska. Ekonomia më e madhe e Europës e ka përballuar deri më tani pandeminë me më pak vdekje se vendet fqinje si Franca dhe Italia, për shkak të testimeve në masë, sistemit të përgatitur shëndetësor dhe respektimit të masave të distancimit social. Numri i rasteve me koronavirus në Gjermani u rrit me 879 në 211,281 në nisje të ditës së Martë. Numri i vdekjeve të raportuara u rrit me 8 në 9,156.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.