Gjermania në valën e tretë të pandemisë – “Virusi nuk do të ikë, por ne mund ta kontrollojmë”
Kreu i agjencisë së shëndetit publik të Gjermanisë paralajmëroi se një valë e tretë e infeksioneve të koronavirusit tashmë ka filluar.
Kjo vjen në një kohë kur vendi ka filluar të zbusë gradualisht kufizimet e bllokimit, mes një përpjekje të udhëhequr nga qeveria për të shpejtuar përhapjen e vaksinimeve për sa më shumë të rritur që të jetë e mundur.
Kancelarja gjermane Angela Merkel kishte paralajmëruar më parë se vendi mund të përfshihej në një valë të tretë infeksionesh nëse masat shtrënguese të shëndetit publik hiqeshin shumë shpejt.
“Ne kemi shenja të qarta: Vala e tretë në Gjermani tashmë ka filluar,” u tha gazetarëve Lothar Wieler, kreu i Institutit Robert Koch për Sëmundjet Infektive.
“Virusi nuk do të zhduket, por pasi të kemi një nivel bazë të imunitetit në popullatë, ne mund ta kontrollojmë atë,” shtoi ai.
Wieler tha se ai ishte “shumë i shqetësuar” për krizën e shëndetit publik. Ai e përshkroi fushatën e vaksinimit të Gjermanisë si një garë kundër një virusi në zhvillim të vazhdueshëm, por shprehu besimin se vendi në fund të fundit do të ishte në gjendje të vinte virusin nën kontroll.
Deri në një kohë të tillë, Wieler riafirmoi rëndësinë e mbajtjes së maskave në publik dhe distanën sociale.
Deri më tani, më shumë se 2.5 milion njerëz kanë kontraktuar Covid në Gjermani, me 73,127 vdekje, sipas të dhënave të përpiluara nga Universiteti Johns Hopkins.
D.B – SCAN
Burimi: CNBC
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.