Gjermania paralajmëron Turqinë në lidhje me ‘provokimet’ në Mesdheun lindor
Turqia duhet të përmbahet nga provokimi në mosmarrëveshjen e gazit në Mesdheun lindor, tha të martën Ministri i Jashtëm gjerman Heiko Maas, duke shtuar se Gjermania qëndron në solidaritet me Qipron dhe Greqinë si partnerë të BE.
“Ankaraja duhet të ndalojë ‘lojën’ e saj midis qetësisë dhe provokimit nëse qeveria është e interesuar për bisedime – siç ka pohuar vazhdimisht,” tha Maas në Berlin përpara fluturimit të tij në Qipro dhe Greqi.
Ai i bëri thirrje Turqisë të qëndrojë e hapur për bisedime dhe i bëri thirrje Ankarasë që të mos rifillojë kërkimin e gazit në zonat më të diskutueshme të detit.
Një anije turke u nis të hënën për të kryer studime sizmike në Mesdheun lindor, duke bërë që Greqia të lëshojë një kërkesë të re të furishme për sanksionet e Bashkimit Europian ndaj Ankarasë në lidhje me të drejtat e kërkimit në det të hapur. (Reuters)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.