Gjermania, Polonia dhe Suedia dëbojnë diplomatët rus nga vendet e tyre – “Erozion të besimit mes lindjes dhe perëndimit”
Gjermania, Polonia dhe Suedia kanë dëbuar secili një diplomat rus në një akt të koordinuar ‘hakmarrjeje’ për dëbimin e tre zyrtarëve të BE nga Moska ndërsa shefi i politikës së jashtme të bllokut ishte për vizitë javën e kaluar në Rusi.
Dëbimet nënvizuan paqëndrueshmërinë në marrëdhëniet lindje-perëndim dhe një erozion të besimit midis ish-armiqve të Luftës së Ftohtë, ndërsa perëndimi akuzon Moskën për përpjekje destabilizimi.
Zëdhënësi i Kremlinit, Dmitry Peskov, tha të hënën se largimi i diplomatëve evropian erdhi si pasojë e vendimit të tyre për të marrë pjesë në protestat muajin e kaluar kundër burgosjes së kritikut të Kremlinit Alexei Navalny.
Zyra e jashtme e Gjermanisë, në një deklaratë në lidhje me dëbimin e saj të një diplomati rus, tha se zyrtari gjerman i nxitur nga Moska ishte vetëm “duke kryer detyrën e tij për të raportuar mbi zhvillimet në vend në një mënyrë ligjore dhe se pjesëmarrja e tij në protestë nuk ishte politike.”
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.